~~META:
title = Янка Журба — Усход сонца
&keywords = сонцу, рада, зямля
&abstract = Чытаць верш Янкі Журбы "Усход сонца"
&iftrue = nan
~~

====== Янка Журба — Усход сонца ======
Ужо золак заззяў,\\
Святло льецца ў прастор.\\
I ачнуўся ад сну –\\
Ціха шэпчацца бор.\\
\\
Як кудзеля, туман\\
Яшчэ вісне ў палях,\\
I струменіць-плыве\\
Ад лугоў свежы пах.\\
\\
Загарэўся агнём\\
Край усходні нябёс,\\
I ляцяць на зямлю\\
Іскры сонечных кос.\\
\\
I здаецца – ўвесь свет\\
Яркім сонцам сагрэт.\\
Сонцу рада зямля –\\
Шле усмешку-прывет.\\
\\
Прашумеў вецярок\\
Па кустах лазняка –\\
I іскрыцца-гарыць\\
Залатая рака.\\
\\
А ўгары – небасхіл\\
Хараством зіхаціць...\\
Сонцу яснаму гімн\\
Безупынна гучыць.

 


===== Падобныя старонкі =====
  * [[творы/васіль-хомчанка/васіль-хомчанка-фарбы-возера]]
  * [[творы/васіль-быкаў/васіль-быкаў-на-ўсходзе-сонца]]
  * [[ibdc.ped>на-ўсходзе-сонца]]
  * [[творы/якуб-колас/якуб-колас-усход-сонца]]
  * [[ibdc.ped>сонца-не-стаіць-на-месцы]]