~~META:
title = Янка Журба — Сярод прыроды
&keywords = поле, ўюцца, праца
&abstract = Чытаць верш Янкі Журбы "Сярод прыроды"
&iftrue = nan
~~

====== Янка Журба — Сярод прыроды ======
З песняй, дзеці, сёння ў поле, –

Гэй, цвярдзей, наш крок!

Сабіраць гербарый школе

Пойдзе наш гурток.

Вось і поле... Мы ўдыхаем

Свежы пах палёў.

Узмацнім жа да прыроды

Мы сваю любоў!

Тут навучыць нас прырода

Ў шчырай працы жыць.

Навакол зірніце ўважна –

Праца скрозь кіпіць.

Залатыя пчолкі ўюцца

I збіраюць мёд;

Песні жаўранкаў ліюцца –

Весел іх палёт.

Вунь схіліліся з прыветам

Сінія званкі;

У праменнях сонца ўюцца

Мушкі, матылькі.

Вось прыйшлі мы ў гай зялёны;

Праца ў ім кругом.

Вунь мурашкі за работай:

Свой будуюць дом...

Дык любіце ж вы прыроду,

Хараство яе:

Сэрца б’ецца тут шчасліва,

А душа пяе.

 


===== Падобныя старонкі =====
  * [[ibdc.ped>беражыце-прыроду]]
  * [[творы/якуб-колас/карціны-роднай-прыроды-ў-паэме-новая-зям]]
  * [[ibdc.ped>зімовы-начлег]]
  * [[ibdc.ped>крыштальны-звон-бяроз]]
  * [[ibdc.ped>чалавек-і-прырода]]