~~META:
title = Янка Журба — Сыплюцца пялёсткі...
&keywords = поле
&abstract = Чытаць верш Янкі Журбы "Сыплюцца пялёсткі..."
&iftrue = nan
~~

====== Янка Журба — Сыплюцца пялёсткі... ======
Сыплюцца пялёсткі\\
беласнежным пухам,\\
засцілаюць сцежкі\\
пульхным абрусам.\\
\\
Смех вясновы хлёсткі\\
нішчыць сум і скруху.\\
Музыкай-усмешкай\\
пракаціўся гром.\\
\\
Сонца залатое\\
поле й лес прыбрала\\
ў зорныя калёры,\\
што агнём гараць.\\
\\
З песняю вясёлай\\
пойдзем, дзеткі, ў поле,\\
возьмемся за працу\\
дружнай грамадой.\\
\\
У полі вёскі й сёлы, –\\
дбаюць там аб долі.\\
Будзьма й мы старацца,\\
нібы пчолак рой.

 


===== Падобныя старонкі =====
  * [[ibdc.ped>на-заводзе]]
  * [[творы/авяр-ян-дзеружынскі/авяр-ян-дзеружынскі-адкуль-з-явіліся-рам]]
  * [[творы/авяр-ян-дзеружынскі/авяр-ян-дзеружынскі-той-хто-працуе]]
  * [[ibdc.ped>праца-тваіх-рук]]
  * [[творы/артур-вольскі/артур-вольскі-сталяры]]