~~META:
title = Янка Журба — Раніцай
&keywords = Янка, шмат, пойдзем
&abstract = Чытаць верш Янкі Журбы "Раніцай"
&iftrue = nan
~~

====== Янка Журба — Раніцай ======
Ціхі ранак... Хлопчык Янка\\
Нешта доўга сёння спіць.\\
Татка кажа: «Устань, сыночак,\\
Годзе сны табе ўжо сніць!\\
\\
Дзень сягоння цёплы, ясны:\\
Пойдзем дровы мы рубаць.\\
Нарубаўшы дроў уволю,\\
У поле пойдзем пагуляць.\\
\\
Там нарвеш прыгожых кветак,\\
Шмат пабачыш матылькоў,\\
Там спаткаеш многа дзетак –\\
Жвавых, шчырых дружбакоў.\\
\\
Паглядзі, як грае сонца,\\
I ліецца спеў вясны.\\
Птушкі звоняць у аконца –\\
Працаваць завуць яны».\\
\\
Жыва ўстаў з пасцелі Янка;\\
Шмат бадзёрасці даў сон.\\
Разам з таткам на работу\\
З новай сілай выйшаў ён.\\
\\
1922

 


===== Падобныя старонкі =====
  * [[творы/язэп-пушча/язэп-пушча-раніцу-шчэбет-пільнуе]]
  * [[творы/авяр-ян-дзеружынскі/авяр-ян-дзеружынскі-летняя-раніца]]
  * [[ibdc.ped>раніцою]]
  * [[творы/якуб-колас/якуб-колас-раніца-вясною]]
  * [[ibdc.ped>вясновая-раніца]]