Веснавое сонца
Росы падбірае.
Вылецела ў поле
Пчолка залатая.

Ёй за шчырай працай
Весела на полі:
Луг прыбраны ў кветкі
I наўкол раздолле.

З рання да змяркання
Пчолка залатая
Лётае па кветках
Ды мядок збірае.

Шмат сабрала пчолка
Мёду з розных кветак, —
Дома ім пакорміць
Родных пчолак-дзетак.

У вуллі работа
Цэлы дзень кіпела.
Вечарам з дабычай
Пчолка прыляцела.

1922

• янка-журба/жыццёвы-і-творчы-шлях-янкі-журбы
• янка-журба/янка-журба-залацісты-вечар-дагарае
• янка-журба/янка-журба-вясна-ідзе
• янка-журба/янка-журба-братняй-украіне
• янка-журба/янка-журба-коцік