~~META:
title = Янка Журба — Пчолка
&keywords = Журба, пчолка
&abstract = Чытаць верш "Пчолка" Янкі Журбы
&iftrue = nan
~~

====== Янка Журба — Пчолка ======
Веснавое сонца\\
Росы падбірае.\\
Вылецела ў поле\\
Пчолка залатая.

Ёй за шчырай працай\\
Весела на полі:\\
Луг прыбраны ў кветкі\\
I наўкол раздолле.

З рання да змяркання\\
Пчолка залатая\\
Лётае па кветках\\
Ды мядок збірае.

Шмат сабрала пчолка\\
Мёду з розных кветак, —\\
Дома ім пакорміць\\
Родных пчолак-дзетак.

У вуллі работа\\
Цэлы дзень кіпела.\\
Вечарам з дабычай\\
Пчолка прыляцела.\\
\\
1922

 


===== Падобныя старонкі =====
  * [[творы/янка-журба/жыццёвы-і-творчы-шлях-янкі-журбы]]
  * [[творы/янка-журба/янка-журба-залацісты-вечар-дагарае]]
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-братняй-украіне]]
  * [[творы/янка-журба/янка-журба-коцік]]