~~META:
title = Янка Журба — Першыя сняжынкі
&keywords = лётаюць, сыплюцца
&abstract = Чытаць верш Янкі Журбы "Першыя сняжынкі"
&iftrue = nan
~~

====== Янка Журба — Першыя сняжынкі ======
Лётаюць, сыплюцца\\
Зоркі-сняжынкі –\\
Белыя, лёгкія,\\
Быццам пушынкі.\\
\\
Роўна так сцелюцца\\
У вёсцы і ў полі,\\
Круцяцца, кружацца\\
Ціха, паволі.\\
\\
Дзецям тут весела,\\
Хоць і марозна:\\
Цёпла за гульнямі,\\
Зімка не грозна.\\
\\
Шумна забегаем\\
Тут удагонкі,\\
Гулка пакоціцца\\
Голас наш звонкі.\\
\\
Жыва праложым тут\\
Новыя сцежкі,\\
Дружна наладзім мы\\
Гульні у снежкі.\\
\\
Лётаюць, сыплюцца\\
Снежныя зоркі...\\
Будзем на саначках\\
Ездзіць мы з горкі.\\
\\
1935

 


===== Падобныя старонкі =====
  * [[ibdc.ped>першы-снег]]
  * [[творы/юрась-свірка/юрась-свірка-з-першым-снегам]]
  * [[творы/казімір-камейша/казімір-камейша-першы-снег]]
  * [[творы/якуб-колас/якуб-колас-першы-снег]]
  * [[ibdc.ped>першы-снег-3700]]