~~META:
title = Янка Журба — Напрадвесні
&keywords = напрадвесні, вясёлы
&abstract = Чытаць верш "Напрадвесні" Янкі Журбы
&iftrue = nan
~~

====== Янка Журба — Напрадвесні ======
Годзе, сняжыначкі,\\
Сыпацца з неба!\\
Цёплага сонца\\
Чакае ўжо глеба.\\
Мы нагуляліся\\
З вамі уволю,\\
Баб наляпілі\\
Са снегу даволі.\\
Хутка растопяць вас\\
Сонца праменні;\\
Рэк, ручаёў\\
Мы пачуем бурленне.\\
Удосталь нап’ецца\\
Матуля-зямліца\\
Свежай, сцюдзёнай\\
Вясенняй вадзіцы.\\
Скора пальюцца\\
Вясёлыя песні\\
Жаўранкаў звонкіх\\
У нас напрадвесні.\\
Дружна пасадзім\\
Там розныя дрэвы;\\
У садзе зазвоняць\\
Вясёлыя спевы.\\
\\
1922\\


 


===== Падобныя старонкі =====
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-братняй-украіне]]
  * [[творы/янка-журба/янка-журба-коцік]]
  * [[творы/янка-журба/янка-журба-залацісты-вечар-дагарае]]
  * [[творы/янка-журба/жыццёвы-і-творчы-шлях-янкі-журбы]]