~~META:
title = Янка Журба — Мядзведзь
&keywords = мішка, прыйшла
&abstract = Чытаць верш Янкі Журбы "Мядзведзь"
&iftrue = nan
~~

====== Янка Журба — Мядзведзь ======
Прыйшла з вятрамі восень,\\
шуміць высокі лес.\\
Пайшоў мядзведзь па лесе,\\
далёка ў глуш залез.\\
\\
Пад елкай вырыў яму,\\
паслаў у ёй галлё –\\
і ўжо гатова ў мішкі\\
зімовае жыллё.\\
\\
А каб мароз траскучы\\
не ўлез к яму зімой,\\
наклаў галля над новай\\
бярлогаю сваёй.\\
\\
Вось мішка ўжо ў бярлозе,\\
утульна тут яму.\\
Паправіў ён галінкі,\\
залёг на ўсю зіму.\\
\\
Прыйшла зіма з марозам,\\
заснуў і лес, і бор.\\
Завеі заспявалі\\
на ўвесь лясны прастор.\\
\\
А мішка і не дбае.\\
Яго спакойны сон.\\
Ён спіць на мяккім вецці\\
аж да вясенніх дзён.

 


===== Падобныя старонкі =====
  * [[ibdc.ped>мядзведзь]]
  * [[ibdc.ped>неспадзяваная-сустрэча]]
  * [[ibdc.ped>вось-якія-мішкі]]
  * [[ibdc.ped>смаргонская-мядзведжая-акадэмія]]
  * [[творы/уладзімір-караткевіч/уладзімір-караткевіч-былі-ў-мяне-мядзвед]]