~~META:
title = Янка Журба — Летам
&keywords = лесе, песню
&abstract = Чытаць верш Янкі Журбы "Летам"
&iftrue = nan
~~

====== Янка Журба — Летам ======
Скончана вучоба.\\
Заяснела лета;\\
Шчыра і старанна\\
Ім зямля сагрэта.\\
Свежы летні ранак\\
Яркім сонцам свеціць...\\
Сёння ў лес любімы\\
Пойдзем з вамі, дзеці.\\
Многа знойдзем ягад\\
Там паміж кустамі.\\
Зашуміць лагодна\\
Лісце дрэў над намі.\\
Там булькоча ціха\\
Рэчка на прасторы.\\
Запяём мы ў лесе\\
Песню дружным хорам.\\
Будуць пець вясёла\\
Разам з намі птушкі;\\
З намі загамоняць\\
I жучкі і мушкі.\\


1923

\\
Крыніца: Журба Я. Вершы. – Мн.: Народная асвета, 1970. – 144 с.

 


===== Падобныя старонкі =====
  * [[творы/сяргей-грахоўскі/сяргей-грахоўскі-лета]]
  * [[творы/максім-багдановіч/максім-багдановіч-плакала-лета-зямлю-пак]]
  * [[ibdc.ped>летам-у-бары]]
  * [[ibdc.ped>шчаслівая-ўсмешка-лета]]
  * [[творы/якуб-колас/якуб-колас-лета]]