~~META:
title = Янка Журба — Ластаўкі
&keywords = ластаўкі, прыйшоў, дзень, гняздзечка, насілі, гняздзечку, месца, пявунні, дзеткі, мушак, пуні
&abstract = Чытаць верш Янкі Журбы "Ластаўкі"
&iftrue = nan
~~

====== Янка Журба — Ластаўкі ======
У пуні калгаснай,\\
Дзе сена складалі,\\
Дзве ластаўкі месца\\
Сабе выбіралі.

А выбраўшы месца,\\
Гняздзечка ляпілі,\\
У дзюбачках гліну,\\
Саломку насілі.

Пушынкі і пер’е\\
Няслі ў сваю хатку,\\
Каб мякка і цёпла\\
Было птушаняткам.

Настаў адпачынак.\\
Пявунні прыселі,\\
Вясёлую песеньку\\
Гучна запелі.

З іх шчырай работы\\
Дзівіліся людзі:\\
«Утульная хатка\\
Тут ластаўкам будзе!»

Закончана праца,\\
Гатова гняздзечка;\\
З’явіліся скора\\
У гняздзечку яечкі.

I ластаўка-мамка\\
На яйках сядзела,\\
Дзень кожны і ноччу\\
Рупліва іх грэла.

Прыйшоў дзень шчаслівы\\
Для птушак у пуні,\\
Вялікай уцехі\\
Прыждалі пявунні:

У цёплым гняздзечку\\
Заціўкалі дзеткі,\\
I мушак прасілі\\
Сабе малалеткі.

I ластаўкі часта\\
Ім ежу насілі\\
I свежай вадою\\
Старанна паілі.

Прыйшоў час – і ластаўкі\\
Дзетак-пястушак\\
Вучылі ўжо лётаць,\\
Лавіць сабе мушак.

Вось выраслі дзеткі,\\
За лета ўзмацнелі,\\
Пад восень у вырай\\
Яны паляцелі.

 


===== Падобныя старонкі =====
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/птушкі-i-гнёзды-сцюдзёны-вырай-аповесць-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[ibdc.ped>птушкі-шчасця]]
  * [[творы/янка-брыль/раман-янкі-брыля-птушкі-і-гнёзды-вобраз-]]