~~META:
title = Янка Журба — Коцік
&keywords = Журба, коцік
&abstract = Чытаць верш "Коцік" Янкі Журбы
&iftrue = nan
~~

====== Янка Журба — Коцік ======
//(Паводле народнай песні)//

\\
Хлопчык любіць коціка,\\
Лашчыць ён варкоціка, —

Коцік міл яму.

З ім на двор гуляць ідзе,\\
Часта малачка дае

Ён сябру свайму.

Ходзіць коцік беленькі,\\
Хвосцік яго шэранькі,

А бяжыць — стралой.

К хлопцу прытуляецца,\\
Спінкай выгінаецца,

Хвост яго — дугой.

Як убачыць птушачку,\\
Хутка шчабятушачку

Хоча ён схапіць:

Вочкі разгараюцца,\\
Кіпці выпускаюцца,

Ён за ёй бяжыць.

Поўсць яго пушыстая,\\
Беленькая, чыстая,

Мяккая, як лён.

Мышкі, сцеражыцеся,\\
Ціха!.. беражыцеся!

Ўміг вас зловіць ён.

\\
1921

 


===== Падобныя старонкі =====
  * [[ibdc.ped>сучасная-казка-пра-бясстрашнае-кацяня]]
  * [[творы/артур-вольскі/артур-вольскі-коцік]]
  * [[творы/якуб-колас/якуб-колас-юрка-і-кот]]
  * [[творы/максім-танк/максім-танк-бабка-і-кот]]
  * [[творы/віктар-гардзей/віктар-гардзей-коцік]]