~~META:
title = Янка Журба — Каханне
&keywords = любы, вочы
&abstract = Чытаць верш Янкі Журбы "Каханне"
&iftrue = nan
~~

====== Янка Журба — Каханне ======
Сад у кветкі прыбран,\\
Як нявеста, стаіць,

А над ім запаліліся зоры.

Мы з табою адны\\
Між вішнёвых галін,

Ў гэтым садзе – таемным прасторы.

\\
Мы жадаем пачуць\\
Любы спеў салаўя,

Прыслухаемся к шопату ночы.

Я цалую цябе,\\
Ты галубка мая!

Любы мне твае карыя вочы.

\\
Упіваемся шчасцем –\\
Каханнем з табой.

Паліліся дзівосныя трэлі:

Салавейка шчабеча\\
На ліпе густой,

Мары светлыя к нам наляцелі...

\\
Ў гэту майскую ноч,\\
Што так памятна нам,

Летуценні аб шчасці збыліся.

Во і золак зірнуў –\\
Твае вочы ясней...

Промні сонца на нас паліліся.

1914

Крыніца: Журба Я. Мая песня: Вершы. – Мн.: Юнацтва, 1984. – 80 с.

 


===== Падобныя старонкі =====
  * [[творы/анатоль-грачанікаў/анатоль-грачанікаў-свяці-кахання-чыстая-]]
  * [[творы/эдуард-акулін/эдуард-акулін-газэля]]
  * [[творы/рыгор-крушына/рыгор-крушына-твае-вочы]]
  * [[творы/эдуард-акулін/эдуард-акулін-трыялет]]
  * [[творы/язэп-пушча/язэп-пушча-яшчэ-ў-юнацкія-гады]]