~~META:
title = Янка Журба — Зімой
&keywords = сонца, снег
&abstract = Чытаць верш Янкі Журбы "Зімой"
&iftrue = nan
~~

====== Янка Журба — Зімой ======
Люблю я прасторы\\
Зімовай парой,\\
Як ззяе дзень ясны\\
Дзівоснай красой.\\
\\
Тут снег на палянах\\
Блішчыць весялей,\\
А шчокі ірдзеюць\\
За кветкі ярчэй.\\
\\
Вось цягнуцца з лесу\\
З дрывамі вазы;\\
Па гладзі бліскучай\\
Скрыпяць палазы.\\
\\
На санках-лядзянках –\\
Грамадка дзяцей.\\
Іх радасць сягоння\\
За сонца святлей.\\
\\
А вунь і на лыжах,\\
Бы тыя ганцы,\\
Па гладкай паляне\\
Імчацца хлапцы.\\
\\
Пад снежнаю коўдрай\\
Спяць руні палёў,\\
Што ў маі купчаста\\
Узнімуцца зноў.

 


===== Падобныя старонкі =====
  * [[творы/ларыса-геніюш/ларыса-геніюш-на-каньках]]
  * [[ibdc.ped>зімой-у-лесе]]
  * [[творы/кастусь-жук/кастусь-жук-беларуская-зіма]]
  * [[творы/цішка-гартны/цішка-гартны-зімовы-вечар]]
  * [[творы/кастусь-жук/кастусь-жук-снежань]]