~~META:
title = Янка Журба — За вучобу!
&keywords = школа, сёння
&abstract = Чытаць верш Янкі Журбы "За вучобу!"
&iftrue = nan
~~

====== Янка Журба — За вучобу! ======
Вецер шастае наўкола,\\
Спеў заводзіць у бары.\\
Зазвініць сягоння школа\\
Галасамі дзетвары.\\
\\
Адпачылі мы на славу;\\
Шчасным быў наш летні час:\\
I на рэчку і ў дуброву\\
Вандравалі мы не раз.\\
\\
Сёння ранак ціхі, ясны;\\
Свежасць ён нясе палям.\\
Сёння першы дзень вучобы,\\
Час ісці у школу нам.\\
\\
Залацістай раніцою\\
У клас мы радасна ідзём.\\
Там утульна, светла, чыста;\\
Школа – наш любімы дом.\\
\\
Там ужо шумяць рабяты,\\
I чакаюць кнігі нас.\\
Свежых сіл у нас багата, –\\
За вучобу ўзяцца час!

 


===== Падобныя старонкі =====
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]
  * [[ibdc.ped>дарога-ў-школу]]
  * [[творы/кастусь-жук/кастусь-жук-урок]]
  * [[творы/мікола-чарняўскі/мікола-чарняўскі-пайшлі-ад-нас-канікулы]]
  * [[ibdc.ped>вясковы-асветнік]]