~~META:
title = Янка Журба — Дзед Мароз
&keywords = Дзед, Мароз
&abstract = Чытаць верш "Дзед Мароз" Янкі Журбы
&iftrue = nan
~~

====== Янка Журба — Дзед Мароз ======
У вопратцы белай\\
Шырокай, даўгой\\
З вялікай пушыстай\\
Мятлой-барадой\\
\\
Прыйшоў к нам здалёку\\
Дзядуля Мароз,\\
Завеі і холад\\
З сабою прынёс.\\
\\
У бель апранае\\
Ён дрэвы, кусты,\\
На рэчках, азёрах\\
Будуе масты.\\
\\
Па вуліцы ходзіць\\
Ды снегам хрушчыць,\\
Вятры з сабой водзіць,\\
У дровах трашчыць.\\
\\
Ён грукае ў сцены\\
I хат і сяней\\
Ды голасам гулкім\\
Склікае дзяцей:\\
\\
«Выходзьце, рабяты!\\
Час ладзіць каток.\\
Дык жыва ж за працу,\\
Шумлівы гурток!»\\
\\
1921

 


===== Падобныя старонкі =====
  * [[творы/васіль-жуковіч/васіль-жуковіч-мароз]]
  * [[творы/цішка-гартны/цішка-гартны-зімовы-вечар]]
  * [[ibdc.ped>прывакзальная-плошча]]
  * [[творы/янка-купала/янка-купала-мароз]]
  * [[ibdc.ped>аер]]