Тут нядаўна так сярдзіта
дзед-мароз гручэў у вокны,
ў полі выла завіруха,
а сягоння прыляцела
зноў вясна к нам маладуха.

З стрэх ліюцца бомы-кроплі,
на шляху руччы-музыкі
ладзяць гучную капэлю.
У паветры льюцца звоны, –
гэта птушкі прыляцелі.

Шпак рассеўся на шпакоўні
і заводзіць спеў вясёлы.
На бярозцы, ля крыніцы,
што бадзёра так булькоча,
пра вясну пяе сініца.

Птушкі радуюцца шчыра,
што прырода абудзілась,
што зямлю сагрэла сонца…
I ліецца ўжо ў паветры
песня жаўранка бясконца.

• янка-журба/янка-журба-коцік
• янка-журба/янка-журба-вясна-ідзе
• янка-журба/янка-журба-братняй-украіне
• янка-журба/янка-журба-залацісты-вечар-дагарае
• янка-журба/жыццёвы-і-творчы-шлях-янкі-журбы