~~META:
title = Янка Журба — Братняй Украіне
&keywords = дюблю, забуду, край, сонечную, ўкраіну
&abstract = Чытаць верш Янкі Журбы "Братняй Украіне"
&iftrue = nan
~~

====== Янка Журба — Братняй Украіне ======
Ніколі не забуду час той шчасны,\\
Калі зычліва мне ўсміхнуўся лёс:\\
У сонечную братнюю Ўкраіну\\
Мяне ён, бы на крыллях, перанёс.\\
\\
Я моцна палюбіў старонку гэту\\
У раннія юнацкія гады,\\
За прыгажосць яе дзівосных песень,\\
Што поўняць сэрца радасцю заўжды.\\
\\
Я палюбіў цябе, край украінскі,\\
За слодыч музыкі бандур тваіх,\\
За хараство паэзіі [[творы/тарас-шаўчэнка/жыццё-і-творцасць-тараса-шаўчэнкі|Шаўчэнкі]],\\
Што цешыць і старых і маладых.\\
\\
Люблю красу садоў тваіх шматлікіх,\\
Калі прыбраны ў бель яны вясной,\\
Твае мне любы месячныя ночы\\
I яснасць зор, што свецяць над табой.\\
\\
Люблю прастор тваёй зямлі ўрадлівай,\\
Імклівы бег магутнага Дняпра\\
I мілагучнасць мовы украінскай,\\
Што мне гучыць званчэй ад серабра.\\
\\
Я не забуду гэты край цудоўны,\\
Што аздабляў тут век мой малады;\\
Мне не забыць сяброў, адданых, шчырых,\\
Якіх тут меў у раннія гады!\\
\\
Я ў думках і сягоння на Ўкраіне,\\
З братамі украінскімі ізноў.\\
Дзень гэты радасцю маёй квітнее,\\
А ў сэрцы зноўку ўспыхнула, гарыць

любоў.

\\
Мая любоў — да светлай Украіны,\\
Што абудзіла мне ўспамінаў рой\\
Аб незабыўных днях майго юнацтва,\\
Што праплыло ў краіне дарагой.\\
\\
Ніколі не забуду час той шчасны,\\
Калі зычліва мне ўсміхнуўся лёс:\\
У сонечную братнюю Ўкраіну\\
Мяне ён, бы на крыллях, перанёс.\\
\\
1960

 


===== Падобныя старонкі =====
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-пчолка]]
  * [[творы/янка-журба/жыццёвы-і-творчы-шлях-янкі-журбы]]
  * [[творы/янка-журба/янка-журба-залацісты-вечар-дагарае]]
  * [[творы/янка-журба/янка-журба-коцік]]