~~META:
title = Янка Журба — Бабулька і козлік
&keywords = козлік, бабулька
&abstract = Чытаць верш Янкі Журбы "Бабулька і козлік"
&iftrue = nan
~~

====== Янка Журба — Бабулька і козлік ======
//(Паводле народнай казкі)//

\\
Шэранькі козлік\\
Жыў у бабулькі,\\
Быццам у роднай\\
Мілай матулькі.\\
\\
Козліка бабка\\
Дужа любіла,\\
Свежай травою\\
Часта карміла,\\
\\
Шчыра дзень кожны\\
Яго даглядала,\\
Смачнага пойла\\
Ўранні давала.\\
\\
Ў сенцах на сене\\
Клаўся ён спаці\\
Ў гай разам з бабкай\\
Бегаў гуляці.\\
\\
Козлік задумаў\\
Бегчы ў лясочак:\\
Стаў яму цесен\\
Бліжні гаёчак.\\
\\
Ўраз разбурыў ён\\
Тын ля дамочка\\
I апынуўся\\
Ў цёмным лясочку.\\
\\
Ў лесе, дзе густа\\
Сосны стаялі,\\
Козліка зверы\\
Хутка дагналі...\\
\\
Плакала доўга\\
Ў хаце бабулька.\\
Як па дзіцяці\\
Плача матулька.

 


===== Падобныя старонкі =====
  * [[творы/янка-журба/жыццёвы-і-творчы-шлях-янкі-журбы]]
  * [[творы/янка-журба/янка-журба-залацісты-вечар-дагарае]]
  * [[творы/янка-журба/янка-журба-братняй-украіне]]
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-коцік]]