~~META:
title = Янка Журба — Пастушок
&keywords = &rarr, журба, дыктанты, \r\ni, калгас, журба &rarr, дыктанты &rarr
&abstract = Чытаць верш Янкі Журбы "Пастушок"
&iftrue = nan
~~

====== Янка Журба — Пастушок ======
Сонца толькі што ўзышло,\\
Шле наўкол сваё святло.\\
Над палямі птушак хор:\\
Спевам поўніцца прастор.\\
Абуджаецца калгас,\\
Каб паспець на працу ў час.\\
Выйшаў з хаты пастушок\\
I зайграў ён у ражок:\\
«Тру-гу-гу-гу, тру-гу-гу!..\\
Добра будзе на лугу\\
Сёння статку пагуляць,\\
Роснай траўкі пашчыпаць».\\
I кароўкі ўміг яму\\
Адказалі: «Му-му-му!..\\
Будзем цэлы дзень гуляць,\\
Траўку смачную шчыпаць.\\
Там рачулка ўдаль бяжыць;\\
Мы ваду ў ёй будзем піць.\\
А як скончыцца дзянёк,\\
Сонца сядзе за лясок, –\\
У калгас мы вечарком\\
Прыйдзем з смачным малаком».\\
\\
1922-1936

 


===== Падобныя старонкі =====
  * [[творы/янка-журба/жыццёвы-і-творчы-шлях-янкі-журбы]]
  * [[ibdc.ped>музыка]]
  * [[творы/янка-журба/янка-журба-залацісты-вечар-дагарае]]
  * [[творы/янка-журба/янка-журба-вясна-ідзе]]
  * [[ibdc.ped>маленькая-сімфонія]]