~~META:
title = Янка Брыль — Над зямлёй — красавіцкае неба...
&keywords = Брыль, неба
&abstract = Чытаць "Над зямлёй — красавіцкае неба..." Янкі Брыля
&iftrue = nan
~~

====== Янка Брыль — Над зямлёй — красавіцкае неба... ======
Над зямлёй — красавіцкае неба: ахапкі белых воблакаў, халаднаватая просінь і жаўранкі.\\
Зямля то светла-шэрая, дзе не хадзіў яшчэ сёлета плуг, то сакавіта-цёмная — і там, дзе ўлонне яе толькі што раскрытае для новых зярнят, і там, дзе ўжо затоена грэецца безліч аўсяных парасткаў.\\
Сёння ўранку ўжо значна смялей, як учора, ажывае зеляніна руні. Лагодныя шэрыя ўзгоркі ўдалечыні пацягнуты смугой. Паміж вёскамі, на лугавой даліне, цячэ апетая ў сардэчнай песні рэчанька...\\
На шэрых коціках вербаў гаспадарліва завіхаюцца пчолы. На бярозах над стрэхамі хат ад радасці разводзяць крыламі шпакі.\\
За ўзгоркам з ночы грукоча трактар. Араты.\\
Іду на гэты гул. Па чыстай, маладзенькай пасля снегу сцежцы.

 


===== Падобныя старонкі =====
  * [[творы/янка-брыль/раман-янкі-брыля-птушкі-і-гнёзды-вобраз-]]
  * [[творы/янка-брыль/увесь-свет-адзін-дом-па-раману-янкі-брыл]]
  * [[творы/янка-брыль/янка-брыль-сірочы-хлеб]]
  * [[творы/янка-брыль/птушкі-i-гнёзды-гнёзды-за-дымам-аповесць]]
  * [[творы/янка-брыль/птушкі-i-гнёзды-сцюдзёны-вырай-аповесць-]]