~~META:
title = Якуб Колас — Школа
&keywords = вучыцца, бацька, брат, падумаў, школа, настаўнік, міхась
&abstract = Урывак з апавядання Якуба Коласа "Школа"
&iftrue = nan
~~

====== Якуб Колас — Школа ======
//Урывак з апавядання//\\
\\
Прыйшла восень. Асыпалася лісце з дрэў. Агалілася зямля. Птушкі разляцеліся. Насталі кароткія, туманныя восеньскія дні.\\
У нядзельку Міхасёў бацька прыйшоў з царквы і сказаў: «Заўтра пачынаецца вучэнне. Пара і нашаму Міхасю вучыцца. Годзе, брат, табе бібікі біць і ганяць сабак па вуліцы. Пара і за навуку!»\\
Апошнія словы бацька сказаў да Міхася.\\
Задрыжалі ўсе жылкі ў Міхася. Многа розных думак пранеслася ў яго галаве.\\
«Што ж? – падумаў ён сам сабе. – Вучыцца – дык вучыцца!»\\
Яму даўно хацелася ў школу. Толькі баяўся ён вучыцца.\\
– Тата! Ці б’ецца настаўнік? – спытаў Міхась бацьку.\\
– Як будзеш дурэць у школе, не будзеш слухаць настаўніка, будзеш ленавацца вучыцца, то і будзе сердаваць. Ды і я сам не пахвалю цябе за гэта.\\
«Ну не, брат, гэтага не будзе! – падумаў Міхась. – Дурэць-то я не буду. А вось старацца дык буду».

 


===== Падобныя старонкі =====
  * [[ibdc.ped>дарога-ў-школу]]
  * [[творы/авяр-ян-дзеружынскі/авяр-ян-дзеружынскі-хто-вас-у-школу-сабі]]
  * [[творы/кастусь-жук/кастусь-жук-урок]]
  * [[творы/мікола-чарняўскі/мікола-чарняўскі-пайшлі-ад-нас-канікулы]]
  * [[ibdc.ped>вясковы-асветнік]]