Па надворку певень ходзіць,
За сабою куры водзіць
I крычыць: – Сюды! Сюды!

Як кіўне ён галавою,
Сыплюць куры чарадою –
Як адна бягуць туды.

А калі хто кур пужае,
Певень грозна загукае: –
Хто такі там? Хто такі?

Вось на ток ён зачасаўся.
– Кыш! – адтуль хтось адазваўся.
– А які там чорт? Які?

Певень жытам кур частуе,
Гаспадара бы й не чуе,
Кліча кур: – Сюды! сюды!

Гаспадар мятлу хапае.
Гвалт наш певень падымае:
– Хто куды! Ой, хто куды!

• ларыса-геніюш/ларыса-геніюш-певень
• эдуард-валасевіч/эдуард-валасевіч-сонца-і-певень
• кандрат-крапіва/кандрат-крапіва-кукарэку
• анатоль-грачанікаў/анатоль-грачанікаў-гусак-і-певень
• вацлаў-ластоўскі/вацлаў-ластоўскі-пад-старасць-адгукнецца