~~META:
title = Якуб Колас — Храбры певень
&keywords = сюды, певень, куры, куды
&abstract = Чытаць верш Якуба Коласа "Храбры певень"
&iftrue = nan
~~

====== Якуб Колас — Храбры певень ======
Па надворку певень ходзіць,\\
За сабою куры водзіць\\
I крычыць: – Сюды! Сюды!\\
\\
Як кіўне ён галавою,\\
Сыплюць куры чарадою –\\
Як адна бягуць туды.\\
\\
А калі хто кур пужае,\\
Певень грозна загукае: –\\
Хто такі там? Хто такі?\\
\\
Вось на ток ён зачасаўся.\\
– Кыш! – адтуль хтось адазваўся.\\
– А які там чорт? Які?\\
\\
Певень жытам кур частуе,\\
Гаспадара бы й не чуе,\\
Кліча кур: – Сюды! сюды!\\
\\
Гаспадар мятлу хапае.\\
Гвалт наш певень падымае:\\
– Хто куды! Ой, хто куды!

 


===== Падобныя старонкі =====
  * [[творы/ларыса-геніюш/ларыса-геніюш-певень]]
  * [[творы/эдуард-валасевіч/эдуард-валасевіч-сонца-і-певень]]
  * [[творы/кандрат-крапіва/кандрат-крапіва-кукарэку]]
  * [[творы/анатоль-грачанікаў/анатоль-грачанікаў-гусак-і-певень]]
  * [[творы/вацлаў-ластоўскі/вацлаў-ластоўскі-пад-старасць-адгукнецца]]