~~META:
title = Якуб Колас — Усход сонца
&keywords = сонца
&abstract = Чытаць верш Якуба Коласа "Усход сонца"
&iftrue = nan
~~

====== Якуб Колас — Усход сонца ======
Сноп праменняў, пышна ўзняты,\\
Сее бляск-чырвонцы –\\
Гэта неба сцеле шаты\\
На дарогу сонцу.\\
\\
Над палямі мрок прарваўся,\\
Па нізах расплыўся,\\
Лес туманам заснаваўся,\\
Луг расой абмыўся.\\
\\
Агнявыя валаконцы\\
Ткуцца ў шоўк чырвоны –\\
Гэта хмаркі ладзяць сонцу\\
І дзяньку кароны.\\
\\
Як прыемна пахне збожжа!\\
А вакол – спакойна!\\
Эх, як слаўна, як прыгожа,\\
Хораша, прыстойна!\\
\\
І сабрала неба фарбы\\
Колераў дзівосных...\\
І дзе ёсць такія скарбы\\
Гожства, сугалосся?!

 


===== Падобныя старонкі =====
  * [[ibdc.ped>сонца-не-стаіць-на-месцы]]
  * [[творы/васіль-хомчанка/васіль-хомчанка-фарбы-возера]]
  * [[ibdc.ped>на-ўсходзе-сонца]]
  * [[творы/васіль-быкаў/васіль-быкаў-на-ўсходзе-сонца]]
  * [[творы/янка-журба/янка-журба-усход-сонца]]