~~META:
title = Якуб Колас — Раніца вясною
&keywords = ціха, льецца, галасок, звонкі, паднябессі, лесе, полі
&abstract = Чытаць верш Якуба Коласа "Раніца вясною"
&iftrue = nan
~~

====== Якуб Колас — Раніца вясною ======
Ціха ў полі, ціха ў лесе,\\
А ні шэпне вецярок,\\
Толькі дзесь у паднябессі\\
Льецца звонкі галасок.\\
\\
Як бы срэбраны званочак\\
Роніць ўніз за трэлем трэль,\\
Аж заслухаўся гаёчак,\\
Не парушыцца і ель.\\
\\
На усходзе бляск агністы\\
Літым золатам дрыжыць,\\
Слуп высокі, прамяністы\\
Роўным полымем гарыць.\\
\\
Тонкіх хмарак валаконцы\\
Сталі хораша ў радок,\\
Як бы ўюць яны для сонца\\
З тых валоканцаў вянок.\\
\\
Ціха ў полі, ціха ў лесе,\\
Чуць балбоча ручаёк,\\
А высока ў паднябессі\\
Льецца звонкі галасок.

 


===== Падобныя старонкі =====
  * [[ibdc.ped>раніцою]]
  * [[творы/язэп-пушча/язэп-пушча-раніцу-шчэбет-пільнуе]]
  * [[ibdc.ped>вясновая-раніца]]
  * [[творы/авяр-ян-дзеружынскі/авяр-ян-дзеружынскі-летняя-раніца]]
  * [[творы/язэп-пушча/язэп-пушча-раніца]]