~~META:
title = Якуб Колас — Песні зімы
&keywords = белыя, люблю
&abstract = Чытаць верш Якуба Коласа "Песні зімы"
&iftrue = nan
~~

====== Якуб Колас — Песні зімы ======
Люблю я зімы з маразамі,\\
Завеі белыя ў палях,\\
I снегу скрып пад палазамі,\\
I ціш зімовую ў лясах.\\
\\
Люблю я ветру спеў гаротны\\
Ў сялянскіх комінах пустых,\\
На полі белыя палотны –\\
Абрусы хмарак снегавых,\\
\\
Што засцілаюць лугавіны\\
I далі ціхія палёў.\\
Мне любы елкі і хваіны\\
Пад белай посцілкай снягоў.\\
\\
У гэтых з’явішчах свабодных,\\
У тых малюнках халадоў\\
Так многа песень, сэрцу родных,\\
Адбіткаў мілых мне гадоў.

 


===== Падобныя старонкі =====
  * [[слоўнік/вясельныя-песні]]
  * [[слоўнік/валачобныя-песні]]
  * [[слоўнік/песня]]
  * [[творы/ян-чачот/ян-чачот-песні-і-балады]]
  * [[слоўнік/восеньскія-песні]]