~~META:
title = Якуб Колас — Не бядуй!
&keywords = бядуй, сонца, снег, неба
&abstract = Верш Якуба Коласа "Не бядуй!"
&iftrue = nan
~~

====== Якуб Колас — Не бядуй! ======
Не бядуй, што сонца нізка,\\
Што прыходзіць нудны дзень,\\
Не бядуй, што восень блізка\\
І на дол кладзецца цень.\\
\\
Не бядуй, што снег халодны\\
Скрые землю ад вачэй:\\
Не загіне край твой родны\\
У тэй цемені начэй!\\
\\
Будзе час, і снег растане,\\
Прыйдзе зноў да нас вясна,\\
Ветла з неба сонца гляне,\\
Ачуняе старана.\\
\\
Не бядуй, што цяжка стала\\
Жыць у вечнай цемнаце,\\
Што нас доля вечна гнала,\\
Што жывём у беднаце.\\
\\
Не бядуй, што звіслі хмары,\\
Што нам сонца не відаць,\\
Не бядуй, што ўноч пажары\\
Сталі неба заліваць, –\\
\\
Дымам пойдзе ўсё ліхое,\\
Усё, што душыць нас і гне.\\
Вер, брат, – жыцце залатое\\
Будзе ў нашай старане.\\
\\
1907

 


===== Падобныя старонкі =====
  * [[творы/якуб-колас/служэнне-народу-асноўны-абавязак-мастака]]
  * [[творы/якуб-колас/карціны-роднай-прыроды-ў-паэме-новая-зям]]
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/якуб-колас/творчасць-якуба-коласа]]