~~META:
title = Якуб Колас — На полі вясною
&keywords = люблю, прыволле, шырокіх, палёў, зялёнае, мора, каласоў, дрыжыць
&abstract = Верш Якуба Коласа "На полі вясною"
&iftrue = nan
~~

====== Якуб Колас — На полі вясною ======
Люблю я прыволле\\
Шырокіх палёў,\\
Зялёнае мора\\
Ржаных каласоў\\
\\
І вузкія стужкі\\
Сялянскіх палос –\\
Люблю цябе, поле,\\
Люблю я твой плёс!\\
\\
Ігрушы старыя,\\
Што ў жыце шумяць,\\
Зялёныя межы,\\
Далёкую гладзь.\\
\\
Люблю я дарогі,\\
Што леглі між гор,\\
Ўнізе пад гарою\\
Ручча разгавор.\\
\\
Люблю я узгоркі,\\
І насып-курган,\\
І сіняй далечы\\
Празрысты туман...\\
\\
Люблю пазіраць я\\
На поле вясной,\\
Як ветрык жартліва\\
Плыве збажыной.\\
\\
Калышацца жыта,\\
Радамі бяжыць,\\
А хваля паветра\\
Дрыжыць і дрыжыць...\\
\\
Люблю я прыволле\\
Шырокіх палёў,\\
Зялёнае мора\\
Буйных каласоў.\\
\\
1908

 


===== Падобныя старонкі =====
  * [[ibdc.ped>вечнае-поле]]
  * [[творы/васіль-зуёнак/васіль-зуёнак-поле]]
  * [[творы/пятрусь-макаль/пятрусь-макаль-поле-поле]]
  * [[творы/казімір-камейша/казімір-камейша-духмянае-дзіва]]
  * [[ibdc.ped>жніво-уланская]]