~~META:
title = Якуб Колас — Леў і воўк
&keywords = леў, воўка, конь, сілу, кажа, зямлю, льва, каменя, каня, воўк, свеце
&abstract = Чытаць казку Якуба Коласа "Леў і воўк"
&iftrue = nan
~~

====== Якуб Колас — Леў і воўк ======
Хадзіў па лузе конь. З лесу выйшаў леў.\\
– Я цар над усімі звярмі. Няма на свеце такога звера, каб не баяўся мяне, – кажа леў.\\
– Я не веру, што ты самы дужшы звер на свеце, адказвае конь: праўда, ты маеш сілу, але ёсць звяры яшчэ дужшыя.\\
– Дык ты не верыш?! Я пакажу табе сілу! – крыкнуў леў, наліўшы крывёю вочы. – Ці не хочаш ты паспрабаваць маю сілу?\\
– Не крычы, леў, і не страш мяне. А сілы чаму не спрабаваць? Можаш ты так стукнуць нагою па камені, каб агонь з яго пасыпаўся?\\
– А ты, ласьне, выбіваеш іскры с каменя нагамі?\\
– А вось, глядзі!\\
Падвёў конь льва пад камень. У каня на нагах былі сталёвыя падковы. Стукнуў конь капытом, цэлая куча іскраў пасыпалася з каменя.\\
Страх апанаваў льва; бягом у лес!\\
Убачыўшы воўка, кажа яму леў пра каня, пра яго сілу.\\
– I ты яго збаяўся? Эх, а яшчэ царом нашым завешся! Пакажы мне толькі яго: у дзве мінуты капут яму.\\
Леў узяў воўка у пярэднія лапы, сам стаў на заднія.\\
– Пазірай!\\
Льву здавалася, што ён памаленьку дзяржаў воўка, а ў таго трэснулі косці і дух выскачыў вон.\\
– Ну, што, бачыш?\\
– Нічога не бачу, – кажа воўк.\\
– Што ж ты маўчыш?\\
Апусціў леў воўка на зямлю, бачыць – воўк не дыхае.\\
– Эх, ты! Толькі хвалішся. Глянуў і то самлеў, – і кінуў ён нежывога воўка на зямлю.\\
\\
\\
Крыніца: Другое чытанне для дзяцей беларусаў / напісаў Якуб Колас; пераглядзеў і прадмову прыпісаў Л. Сеўрук. – Пецярбурх [Пецярбург]: выдалі суполкі: "Загляне сонца і ў наша аконца" і "Наша хата", 1909 (вокладка 1910). – 110 с.

 


===== Падобныя старонкі =====
  * [[творы/мікола-чарняўскі/мікола-чарняўскі-захварэў-аднойчы-леў]]
  * [[творы/якуб-колас/творчасць-якуба-коласа]]
  * [[творы/максім-танк/максім-танк-конь-і-леў]]
  * [[творы/яўген-крупенька/яўген-крупенька-леў]]
  * [[творы/якуб-колас/паэма-новая-зямля-мастацкая-энцыклапедыя]]