~~META:
title = Якуб Колас — Конь і сабака
&keywords = Рудзька, каня, хвост, конь
&abstract = Чытаць байку "Якуба Коласа "Конь і сабака"
&iftrue = nan
~~

====== Якуб Колас — Конь і сабака ======
Свабодны конь гуляў на волі,\\
I хвост, і грыву распусціў,\\
Іржаннем ён сваім будзіў\\
I лес стары і чыста поле.\\
\\
У бок прахожы стараніўся,\\
Яму дарогу уступаў.\\
Ад страху Рудзька прытуліўся\\
I толькі ціхенька брахаў.\\
\\
Каня злавілі, прывязалі,\\
На вобруць, беднага, ўзялі.\\
Аборкай ногі абвілі\\
I борзды бег яго стрымалі.\\
\\
З-за вугла вылазіць Рудзька.\\
– Гаў-гаў-гаў – давай брахаць.\\
За хвост каня кусае цюцька –\\
Ні адцягнуць, ні адагнаць!\\
\\
Малыя дзеці тут гулялі,\\
Дзівілісь многа і казалі\\
(Па дурнаце не разабралі –\\
Дзіця малое, як ягня):\\
– А Рудзька дужшы за каня!

 


===== Падобныя старонкі =====
  * [[творы/уладзімір-ягоўдзік/уладзімір-ягоўдзік-атаман-барабан]]
  * [[ibdc.ped>шукаю-гаспадара]]
  * [[ibdc.ped>белы-шпіц]]
  * [[ibdc.ped>фомка]]
  * [[ibdc.ped>белы-шпіц-3561]]