~~META:
title = Верш Якуба Коласа "Восень"
&keywords = гразі, толькі, каля
&abstract = Чытаць верш Якуба Коласа "Восень"
&iftrue = nan
~~

====== Якуб Колас — Восень ======
Пуста ў лузе. Толькі стогі\\
Парыжэўшыя стаяць,\\
Ды шпакі каля дарогі\\
Цэлы дзень адно крычаць.\\
\\
Грэчка зжата. Гола ў полі.\\
Жыта звезена даўно.\\
Толькі плаваюць на волі\\
Кучы хмар, як валакно.\\
\\
Дожджык сее беспрастанку;\\
Вецер свішча так, як звер...\\
Колькі лужын каля ганку!\\
А гразі, гразі цяпер!\\
\\
Ссохлі травы, ўсё павяла.\\
Слоць, плюхота, холад, цьма.\\
Эх, скарэй бы закрывала\\
Зямлю чорную зіма!

 


===== Падобныя старонкі =====
  * [[творы/якуб-колас/творчасць-якуба-коласа]]
  * [[творы/якуб-колас/карціны-роднай-прыроды-ў-паэме-новая-зям]]
  * [[творы/якуб-колас/служэнне-народу-асноўны-абавязак-мастака]]
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/духоўнае-багацце-чалавека-ў-паэме-новая-]]