~~META:
title = Якуб Колас — Брацце мае, беларусы!
&keywords = нашы, край
&abstract = Урывак з паэмы "Сымон-музыка" Якуба Коласа "Брацце мае, беларусы!"
&iftrue = nan
~~

====== Якуб Колас — Брацце мае, беларусы! ======
//Урывак з паэмы "Сымон-музыка"//\\
\\
Брацце мае, беларусы!\\
У той кнізе людскіх спраў\\
Сам лёс, мусіць, для спакусы\\
Гэты край нам адзначаў.\\
Тут схадзіліся плямёны\\
Спрэчкі сілаю канчаць,\\
Каб багата адароны\\
Мілы край наш зваяваць,\\
А нас цяжка ў сэрца раніць,\\
Пад прыгон узяць навек,\\
Нашы скарбы апаганіць,\\
Душу вынесці на здзек,\\
Каб у віры той ашукі\\
Знішчыць нашы ўсе сляды,\\
Каб не ведалі і ўнукі,\\
Хто такія іх дзяды.\\
І лілася кроў нявінна,\\
Швед набытак наш паліў,\\
А ўрад царскі самачынна\\
Тут гвалтоўнасці тварыў,\\
Будаваў астрог народу\\
І барбарскім капылом\\
Мерыў волю і свабоду,\\
А культуру нёс з казлом.\\
І без жалю капытамі\\
Конь казацкі тут ступаў\\
І збажынку з ярынамі\\
Талачыў і драсаваў.

 


===== Падобныя старонкі =====
  * [[творы/якуб-колас/паэма-новая-зямля-мастацкая-энцыклапедыя]]
  * [[творы/якуб-колас/творчасць-якуба-коласа]]
  * [[творы/якуб-колас/духоўнае-багацце-чалавека-ў-паэме-новая-]]
  * [[творы/якуб-колас/карціны-роднай-прыроды-ў-паэме-новая-зям]]
  * [[творы/якуб-колас/служэнне-народу-асноўны-абавязак-мастака]]