~~META:
title = Язэп Пушча — Раніца
&keywords = раніца
&abstract = Чытаць верш "Раніца" Язэпа Пушчы
&iftrue = nan
~~

====== Язэп Пушча — Раніца ======
У сутонні п’яніцай\\
хістаецца пад плотам цень.\\
Умыўшыся яркай раніцай,\\
на сіні выган\\
выганяе\\
сонца пасвіць дзень.\\
\\
Плаксівую смугу\\
памялом\\
змяло,\\
і промень сонца па шляху\\
пабег ў сутулае сяло.\\
\\
3 сявянькай працы на плячох\\
ратай спаткаў яго:\\
уцеха хлынула з вачэй\\
і гойснула у сінь бягом.\\
\\
Падшывалец-вецер\\
лапоча песняй у лістве:\\
разбіўся мутны вечар\\
аб сонца ў сіняве!

 


===== Падобныя старонкі =====
  * [[ibdc.ped>раніцою]]
  * [[творы/авяр-ян-дзеружынскі/авяр-ян-дзеружынскі-летняя-раніца]]
  * [[творы/якуб-колас/якуб-колас-раніца-вясною]]
  * [[творы/язэп-пушча/язэп-пушча-раніцу-шчэбет-пільнуе]]
  * [[ibdc.ped>вясновая-раніца]]