~~META:
title = Язэп Пушча — Мора
&keywords = мора, люблю
&abstract = Чытаць верш "Мора" Язэпа Пушчы
&iftrue = nan
~~

====== Язэп Пушча — Мора ======
З узнятаю рукой да сонца\\
Я на скале марской стаю.\\
Люблю цябе я шчыра, моцна,\\
Як песню першую сваю.\\
\\
Не ведаюць плыўцы пакоры,\\
Калі ідуць у смелы рэйд.\\
Люблю бязмежныя прасторы,\\
Адвечны гул тваіх легенд.\\
\\
Ўздымаюцца валы высока\\
I хочуць падхапіць мяне.\\
Расправіў крылы вольны сокал\\
Са мной на сонечнай скале.\\
\\
1955 г.

 


===== Падобныя старонкі =====
  * [[творы/язэп-пушча/язэп-пушча-на-возеры]]
  * [[творы/язэп-пушча/язэп-пушча-раніцу-шчэбет-пільнуе]]
  * [[творы/язэп-пушча/язэп-пушча-раніца]]
  * [[постаці/язэп-пушча]]
  * [[творы/язэп-пушча/язэп-пушча-сяўба]]