~~META:
title = Язэп Пушча — Каплі вады
&keywords = каплі, вады
&abstract = Верш Язэпа Пушчы "Каплі вады"
&iftrue = nan
~~

====== Язэп Пушча — Каплі вады ======
Пякаюць каплі вады, –\\
ў срэбрамёце іх смех.\\
На іх дзень малады\\
кулакі\\
скамячыць не пасмеў.\\
\\
Ён госцем вясёлым прысеў\\
і ўмывае свой твар.\\
Нікне ўсё пакрысе\\
і ўсё ахутвае твань.\\
\\
Яны-ж моўчкі крышталяць кругі, –\\
іх у гэтым уцеха уся.\\
Кожны з нас заўтра другі…\\
Будзем блукацца там-сям.\\
\\
Бо ніяк, аніяк\\
немагчыма жыццю дагадзіць.\\
Не адзін перад ім ужо змяк –\\
хоць і хацеў\\
схапіць выбрык гадзін.

 


===== Падобныя старонкі =====
  * [[творы/язэп-пушча/язэп-пушча-на-возеры]]
  * [[творы/язэп-пушча/язэп-пушча-сяўба]]
  * [[постаці/язэп-пушча]]
  * [[творы/язэп-пушча/язэп-пушча-раніцу-шчэбет-пільнуе]]
  * [[творы/язэп-пушча/язэп-пушча-раніца]]