~~META:
title = Язэп Пушча — Зашумелі лісты
&keywords = задуменні
&abstract = Чытаць верш Язэпа Пушчы "Зашумелі лісты"
&iftrue = nan
~~

====== Язэп Пушча — Зашумелі лісты ======
Вераснёвыя смуглыя колеры\\
Ў задуменні засмучаным вянуць;\\
Ў задуменні бярозы пакорныя\\
Атрусаюць журбу на паляну.\\
\\
А вятры над панурымі ўзгоркамі\\
Развяваюць лістоў пазалоту.\\
Ўжо рабіна з калінай прагорклаю\\
Абліліся крывёй каля плоту.\\
\\
Распялёхаўся лёгкімі вёсламі\\
На азёрнай суцемені месяц.\\
Зашумелі лісты па-над плёсамі,\\
Зашапталіся ласкава ў лесе.\\
\\
1927\\


\\
Крыніца: Душа мая тужлівая... : вершы і паэмы / уклад. В. А. Шніп. – Мінск: Маст. літ., 2005. – 303 с. – (Беларуская паэзія ХХ стагоддзя).

 


===== Падобныя старонкі =====
  * [[творы/язэп-пушча/язэп-пушча-на-возеры]]
  * [[творы/язэп-пушча/язэп-пушча-сяўба]]
  * [[творы/язэп-пушча/язэп-пушча-раніцу-шчэбет-пільнуе]]
  * [[творы/язэп-пушча/язэп-пушча-раніца]]
  * [[постаці/язэп-пушча]]