~~META:
title = Язэп Пушча — Залатая восень
&keywords = восень
&abstract = Чытаць верш Язэпа Пушчы "Залатая восень" ("Залатая пара")
&iftrue = nan
~~

====== Язэп Пушча — Залатая восень ======
Верасень у госці\\
Болей не запросіць;\\
Маладой бярозцы\\
Павязала восень\\
Жоўтую хусцінку\\
З белай павуцінкай.\\
\\
Лета не прысядзе\\
Пад зялёнай кронай;\\
У рабіны ў садзе\\
Плашч гарыць чырвоны,\\
I нясуць з даліны\\
Спелы сок каліны.\\
\\
Дрэвы ў пазалоце,\\
Вокліч жураўліны;\\
Восень на балоце\\
Сее журавіны.\\
Быццам песня тая,\\
Восень залатая.\\
\\
1957 г.\\


\\
Крыніца: Пушча Я. Збор твораў. У 2 т. Т. 2. Вершы. Паэмы. Пераклады. Крытычныя артыкулы 1930-1963. – Мінск: Мастацкая літаратура, 1994. – 462 с.

 


===== Падобныя старонкі =====
  * [[творы/язэп-пушча/язэп-пушча-раніца]]
  * [[творы/язэп-пушча/язэп-пушча-раніцу-шчэбет-пільнуе]]
  * [[постаці/язэп-пушча]]
  * [[творы/язэп-пушча/язэп-пушча-на-возеры]]
  * [[творы/язэп-пушча/язэп-пушча-сяўба]]