~~META:
title = Язэп Пушча — Вясна
&keywords = вясна, веснік, песняй
&abstract = Чытаць санет Язэпа Пушчы "Вясна"
&iftrue = nan
~~

====== Язэп Пушча — Вясна ======
Прыбег прамень, ад сонца ясны веснік,\\
I абвясціў людзям: вясна ідзе!\\
Выходжу я сустрэць красуню песняй\\
I прывітаць той песняю людзей.\\
\\
Не першы раз выходжу на спатканне,\\
I гэтак верыць хочацца вясне.\\
Ў грудзях жыве вялікае каханне,\\
Ў якім прызнацца ўсё ніяк не смеў.\\
\\
Кахаю моцна, горача, праўдзіва\\
I песню запяваю ля крыніц,\\
Хай вецер веснавы над ёй шуміць.\\
\\
Красуй, вясна, як і мая Радзіма!\\
Вясёлкаю стаіш ты уваччу, –\\
З табой і для цябе я жыць хачу.\\
\\
1957 г.

 


===== Падобныя старонкі =====
  * [[слоўнік/вянок-санетаў]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]
  * [[слоўнік/санет]]