~~META:
title = Язэп Пушча — Вечна...
&keywords = мажор
&abstract = Чытаць верш Язэпа Пушчы "Вечна..."
&iftrue = nan
~~

====== Язэп Пушча — Вечна... ======
Пуста,\\
змрок прылёг пад кустам.\\
Сонца ўсходзіць паміж гор\\
і спіну залоціць зверху.\\
Усё ж не веру,\\
ой, не веру,\\
што мажорам\\
граюць на жалейцы,\\
што мажор\\
у прасторы льецца.\\
Адлятае ў вырай жораў...\\
Ну, няхай,\\
няхай\\
і гэтак.\\
Ой, шумі вясною, гай,\\
Ў перазвоне кветак!\\
Я сягоння босы,\\
я хаваю ў жменю стыд.\\
Ой вы, сосны,\\
мае сосны,\\
сосны,\\
песенны запал астыў!\\
На грудзёх жыцця\\
апаўшыя лісты.\\


 


===== Падобныя старонкі =====
  * [[творы/язэп-пушча/язэп-пушча-раніцу-шчэбет-пільнуе]]
  * [[постаці/язэп-пушча]]
  * [[творы/язэп-пушча/язэп-пушча-сяўба]]
  * [[творы/язэп-пушча/язэп-пушча-раніца]]
  * [[творы/язэп-пушча/язэп-пушча-на-возеры]]