~~META:
title = Ядвігін Ш. — Васількі
&keywords = васількі, закрасавалі, міганулі
&abstract = Чытаць версэт Ядвігіна Ш. "Васількі"
&iftrue = nan
~~

====== Ядвігін Ш. — Васількі ======
Васількі закрасавалі... Не, не закрасавалі!\\
Дзе ж ім цяпер красаваць? Холад. Зіма. Снег. Не закрасавалі васількі; гэта толькі перад вачамі маімі міганулі яны. Нават не перад вачамі, а так недзе: не то ў думках, не то ў душы ці сэрцы? Не ведаю дзе. Міганулі васількі: васількі ў жыце... неба, як васількі... як васількі, вочкі... міганулі васількі і... счэзлі!..\\
У красе нашага жыцця мы любім, як красуюць васількі...\\
А калі паблекнуць васількі, паблекне неба, паблекне на душы, а на сэрцы ляжа холад; калі зямлю пакрые снег, а на тваю галаву быццам сыпне шоран; калі маеш штодзённы цёмны, горкі хлеб, – тады толькі ўспомніш, што гэта – ад васількоў, ад іх красы, бо... адкрасавалі васількі...

 


===== Падобныя старонкі =====
  * [[творы/ядвігін-ш/ядвігін-ш-сабачча-служба]]
  * [[творы/ядвігін-ш/ядвігін-ш-дуб-дзядуля-гдз]]
  * [[творы/ядвігін-ш/ядвігін-ш-павук]]
  * [[творы/ядвігін-ш/ядвігін-ш-антон-іванавіч-лявіцкі]]
  * [[творы/ядвігін-ш/ядвігін-ш-бярозка-гдз]]