~~META:
title = Юрась Свірка — Яблык
&keywords = яблык, дачушка, палавінкі
&abstract = Верш Юрася Свіркі "Яблык"
&iftrue = nan
~~

====== Юрась Свірка — Яблык ======
Паклікала маці\\
дачушку Ірынку.\\
Разрэзала яблык\\
на дзве палавінкі.\\
\\
А быў ён салодкі,\\
ружовы, крамяны.\\
І з’ела дзяўчынка\\
той яблык духмяны.\\
\\
– А колькі ж, дачушка,\\
ранетаў ты з’ела?\\
Адну палавінку\\
ці яблычак цэлы? –\\
\\
Матуля цярпліва\\
чакае адказу.\\
Дачушка задач\\
не рашала ні разу.\\
\\
І так адказала\\
малая Ірынка:\\
– Не яблык я з’ела,\\
а дзве палавінкі.

 


===== Падобныя старонкі =====
  * [[творы/васіль-хомчанка/васіль-хомчанка-яблык]]
  * [[творы/пятрусь-макаль/пятрусь-макаль-смак-яблыка]]
  * [[ibdc.ped>саджанцы]]
  * [[творы/аляксей-пысін/аляксей-пысін-яблык]]
  * [[ibdc.ped>яблычнае-зярнятка]]