~~META:
title = Юрась Свірка — Ціхая паэзія
&keywords = люблю, ціхую
&abstract = Верш Юрася Свіркі "Ціхая паэзія"
&iftrue = nan
~~

====== Юрась Свірка — Ціхая паэзія ======
Люблю я ціхую паэзію,\\
Дзе не крычаць і не шумяць.\\
Удумліва, а не гарэзліва\\
Душу умее высвятляць.\\
\\
Люблю я ціхую… Разважліва\\
Яна вядзе душэўны лад.\\
І слова кожнае узважвае,\\
Як россып залатых зярнят.\\
\\
І словы пачуццём яднаюцца:\\
Іх вывярае дзень пры дні.\\
Яны пакорна прачынаюцца\\
І не маўчаць у цішыні.\\
\\
Здаецца, сам такою дыхаю,\\
І верна ёй хачу служыць.\\
Дык хто ж яе абразіў: ціхаю\\
Назваць таго, хто не крычыць.

 


===== Падобныя старонкі =====
  * [[творы/юрась-свірка/юрась-свірка-ласіны-стажок]]
  * [[творы/юрась-свірка/юрась-свірка-верны-крэўнаму-брацтву]]
  * [[творы/юрась-свірка/юрась-свірка-свята]]
  * [[творы/юрась-свірка/юрась-свірка-яшчэ-раз-пра-маці]]
  * [[творы/юрась-свірка/юрась-свірка-з-першым-снегам]]