~~META:
title = Юрась Свірка — Сняжок
&keywords = сняжок, беленькі, пабег
&abstract = Чытаць верш Юрася Свіркі "Сняжок"
&iftrue = nan
~~

====== Юрась Свірка — Сняжок ======
Ён першы раз убачыў снег.\\
Не знае, што такое.\\
Ад радасці пабег, пабег.\\
Гуляе сам з сабою.\\
\\
Сабачка то ўпадзе на бок,\\
То пад кусты залезе.\\
І сам, як беленькі клубок,\\
Качаецца па снезе.\\
\\
– Сняжок, сюды! Пушок, сюды!\\
Сняжок нібы не чуе.\\
Бяжыць малы абы-куды,\\
Сляды свае нітуе.\\
\\
І раптам ён на рукі – скок!\\
Ледзь мне не скінуў шапку.\\
– Пагрэйся, беленькі Сняжок,\\
Пагрэй хоць крышку лапкі.\\
\\
Калючы шчыплецца мароз.\\
Сняжка пад курткай грэю.\\
Там толькі вочкі, толькі нос\\
Як гузічкі, чарнеюць.

 


===== Падобныя старонкі =====
  * [[творы/юрась-свірка/юрась-свірка-верны-крэўнаму-брацтву]]
  * [[творы/юрась-свірка/юрась-свірка-яшчэ-раз-пра-маці]]
  * [[творы/юрась-свірка/юрась-свірка-свята]]
  * [[творы/юрась-свірка/юрась-свірка-з-першым-снегам]]
  * [[творы/юрась-свірка/юрась-свірка-ласіны-стажок]]