Гэта старая версія дакумента!

Юрась Свірка — Свята

Сёння ў нашай мамы свята,
Падарыў ёй кветкі тата.

Пажадаў ён любай маме
Быць заўсёды самай-самай.

І прыгожай, і шчаслівай,
І вясёлай, і руплівай.

Аж свіціцца мама наша:
Атрымаў дзясятку Саша.

Пастараўся наш Панаска:
Ён нацёр паркет да бляску.

Пахваліла мама Аду –
У пакоях скрозь парадак.

Тата сам гатуе стравы,
Ён старанны і рухавы.

Прыхінае мама кветкі:
– Дзякуй, бацька! Дзякуй, дзеткі!

Незабыўная нядзеля,
Мама як памаладзела.

І з усмешкай кажа тата:
– Падарылі маме свята.

Падобныя старонкі

казімір-камейша/казімір-камейша-сакавік
мікола-чарняўскі/мікола-чарняўскі-ёлка
васіль-жуковіч/васіль-жуковіч-цудоўныя-святы
васіль-вітка/васіль-вітка-свята-настаўніцы
васіль-жуковіч/васіль-жуковіч-калядная-вячэра