~~META:
title = Юрась Свірка — Свята
&keywords = мама, тата, маме, кветкі, свята, дзякуй
&abstract = Чытаць верш Юрася Свіркі "Свята"
&iftrue = nan
~~

====== Юрась Свірка — Свята ======
Сёння ў нашай мамы свята,\\
Падарыў ёй кветкі тата.\\
\\
Пажадаў ён любай маме\\
Быць заўсёды самай-самай.\\
\\
І прыгожай, і шчаслівай,\\
І вясёлай, і руплівай.\\
\\
Аж свіціцца мама наша:\\
Атрымаў дзясятку Саша.\\
\\
Пастараўся наш Панаска:\\
Ён нацёр паркет да бляску.\\
\\
Пахваліла мама Аду –\\
У пакоях скрозь парадак.\\
\\
Тата сам гатуе стравы,\\
Ён старанны і рухавы.\\
\\
Прыхінае мама кветкі:\\
– Дзякуй, бацька! Дзякуй, дзеткі!\\
\\
Незабыўная нядзеля,\\
Мама як памаладзела.\\
\\
І з усмешкай кажа тата:\\
– Падарылі маме свята.

 


===== Падобныя старонкі =====
  * [[творы/казімір-камейша/казімір-камейша-сакавік]]
  * [[творы/мікола-чарняўскі/мікола-чарняўскі-ёлка]]
  * [[творы/васіль-жуковіч/васіль-жуковіч-цудоўныя-святы]]
  * [[творы/васіль-вітка/васіль-вітка-свята-настаўніцы]]
  * [[творы/васіль-жуковіч/васіль-жуковіч-калядная-вячэра]]