~~META:
title = Юрась Свірка — Мама спіць...
&keywords = мама, спіць
&abstract = Верш Юрася Свіркі "Мама спіць..."
&iftrue = nan
~~

====== Юрась Свірка — Мама спіць... ======
Мама спіць.\\
У хаце ціха-ціха.\\
І за вокнамі таксама цішыня.\\
Мусіць, перастаў і вецер дыхаць,\\
Правады над дахам не звіняць.\\
Месяц вішняку нарэзаў вязку,\\
Доўга рэзаў, вышчарбіў лязо.\\
Мама спіць.\\
І з ёй заснулі казкі,\\
Пераказаныя тысячу разоў.\\
Я не знаю,\\
Што ёй будзе сніцца –\\
Можа, ніва, ранняя вясна,\\
Можа, пад ракітаю крыніца?\\
Толькі б не апошняя вайна…\\
Мама спіць.\\
Спі, мама, дыхай лёгка.

 


===== Падобныя старонкі =====
  * [[творы/юрась-свірка/юрась-свірка-яшчэ-раз-пра-маці]]
  * [[творы/юрась-свірка/юрась-свірка-ласіны-стажок]]
  * [[творы/юрась-свірка/юрась-свірка-верны-крэўнаму-брацтву]]
  * [[творы/юрась-свірка/юрась-свірка-свята]]
  * [[творы/юрась-свірка/юрась-свірка-з-першым-снегам]]