~~META:
title = Юрась Свірка — З першым снегам
&keywords = снегам, першым, снег, чыстым, смехам, лёгкім, звонкім, бегам
&abstract = Чытаць верш Юрася Свіркі "З першым снегам"
&iftrue = nan
~~

====== Юрась Свірка — З першым снегам ======
З першым снегам,\\
З першым снегам!\\
Зноў на горку вам пара.\\
З першым снегам,\\
З першым снегам,\\
Дзеці нашага двара!\\
\\
Снегам чыстым,\\
Лёдам чыстым\\
Пачынаем кожны год.\\
Снег бялюткі,\\
Снег іскрысты.\\
Як люстэрка, гладкі лёд.\\
\\
З першым снегам,\\
З першым снегам,\\
Не сядзіцца дзетвары.\\
Звонкім смехам,\\
Звонкім смехам\\
Напаўняюцца двары.\\
\\
З першым снегам,\\
З першым снегам,\\
Непаседы-дружбакі!\\
З лёгкім бегам,\\
З лёгкім бегам,\\
Санкі, лыжы і канькі!

 


===== Падобныя старонкі =====
  * [[ibdc.ped>першы-снег]]
  * [[творы/якуб-колас/якуб-колас-першы-снег]]
  * [[творы/казімір-камейша/казімір-камейша-першы-снег]]
  * [[творы/максім-лужанін/максім-лужанін-снег]]
  * [[ibdc.ped>першы-снег-3700]]