~~META:
title = Юрась Свірка — Журботны працяг песні
&keywords = жураўлі, ляціце, палессе
&abstract = Чытаць верш Юрася Свіркі "Журботны працяг песні"
&iftrue = nan
~~

====== Юрась Свірка — Журботны працяг песні ======
«Жураўлі на Палессе ляцяць»...\\
Чую песню.\\
На сэрцы – журліва.\\
Як бы іх на ляту пераняць,\\
Папярэдзіць бы клін жураўліны.\\
\\
Не ляціце пакуль што туды,\\
Там, дзе Прыпяць разліта шырока:\\
Там дыханне няўсцешнай бяды\\
Узлятае штодня пад аблокі.\\
\\
І ніякай здагадкі пра смерць.\\
У засмужанай далі знікаюць.\\
І не могуць туды не ляцець:\\
Там, над Прыпяццю, гнёзды чакаюць.\\
\\
І не могуць свой край пакідаць,\\
Іх чакае там сонца ў зеніце...\\
Жураўлі на Палессе ляцяць,\\
Як сказаць ім: туды не ляціце.

 


===== Падобныя старонкі =====
  * [[творы/мікола-мятліцкі/мікола-мятліцкі-санеты-чарнобыля]]
  * [[творы/пімен-панчанка/пімен-панчанка-аб-самым-смачным]]
  * [[творы/алесь-пісьмянкоў/алесь-пісьмянкоў-1986]]
  * [[творы/іншае/сучасная-літаратура-беларусі/тэма-чарнобыля-ў-беларускай-паэзіі]]
  * [[творы/артур-вольскі/артур-вольскі-боль-чарнобыля]]