~~META:
title = Юрась Свірка — А ўсё ж вінаваты і я...
&keywords = вінаваты
&abstract = Чытаць верш Юрася Свіркі "А ўсё ж вінаваты і я..."
&iftrue = nan
~~

====== Юрась Свірка — А ўсё ж вінаваты і я... ======
А ўсё ж вінаваты і я:\\
Суладдзе ў прыродзе парушана.\\
Паменшала птушак сям’я,\\
І рыба бяздумна патручана.\\
\\
Няма чым віну апраўдаць,\\
Сумленне маё зацярушана:\\
Баяўся адкрыта крычаць,\\
А толькі даводзіў нязмушана.\\
\\
І я вінаваты у тым:\\
Без толку балотца асушана.\\
Напэўна, і ў слове маім\\
Трывога гучала прыглушана.\\
\\
Што сосны трывожна шумяць,\\
Што ў лузе без кнігавак ціха,\\
Патрэбна было закрычаць,\\
А я, нібы пташачка, ціўкаў.

 


===== Падобныя старонкі =====
  * [[творы/юрась-свірка/юрась-свірка-верны-крэўнаму-брацтву]]
  * [[творы/юрась-свірка/юрась-свірка-яшчэ-раз-пра-маці]]
  * [[творы/юрась-свірка/юрась-свірка-з-першым-снегам]]
  * [[творы/юрась-свірка/юрась-свірка-свята]]
  * [[творы/юрась-свірка/юрась-свірка-ласіны-стажок]]